Pūtaurima Ahupūtea Matihiko.
He pūmau VPS motuhake i āta whakaritea ō te ahupūtea matihiko. He wāhitau IP motuhake, he haumarutanga horopū, ia wiki ia wiki tāruatia ai. E 99.9% o te wā e mahi tika ana.
Ko te pūtaurima haumaru, pūtaurima tere tētahi o ngā āhuatanga nunui kia koa ai, kia ora ai te toa ipurangi. Kua āta whakaritea ā mātau pūmau mō te ahupūtea matihiko. Ka whakahaeretia, ka whakatikaina e ngā mātanga, ā, ka manaakitia kia pai rawa atu ai. Me ka raruraru, ka tere whakatikaina.
Ia wiki ia wiki tāruatia ai te pūmau katoa, ā, e whā wiki mātau e pupuri ana i tētahi kape. Nā reira mehemea ka hiahiatia, ka kaha mātau ki te hanga wawe anō i te pūmau katoa.
He pūmau VPS motuhake, he wāhitau IP motuhake hoki ā tēnā me tēnā o ngā kete Pūtaurima Ahupūtea Matihiko. Mā konei e pai noa atu ai te mahi, he kore nō te pūmau e pēhia e te taumahatanga, ā, ka whāiti iho hoki te tūraru ka horo, he kore nō ētahi atu pae tukutuku e whakamahi, e tūkino rānei i āu raumei pūmau, tāu wāhitau IP rānei. E maru rawa ai te whitinga raraunga, ka whakamahi mātau i te tiwhikete SSL kua oti te haina.
Kete Pūtaurima Ahupūtea Matihiko
Kei te kete pūtaurima Ahupūtea Matihiko ko tētahi pouaka īmēra POP, tētahi IMAP rānei me te īmēra ā-ipurangi, ā, he $2.50 +gst ia marama te utu mō tēnā me tēnā pouaka īmēra 3GB o tua atu. I tua noa i ngā tāruatanga taumata pūmau o ia wiki, ia wiki ia wiki tāruatia ai ngā pae tukutuku, ā, ia rā ia rā tāruatia ai te pātengi raraunga. E rua e rua ka rokirokitia ki tētahi ratonga rokiroki tūhāhā, kia tau rawa ai te mauri. Kua rarangatia ki roto ki ngā pae tukutuku he pūmanawa whakamaru, ā, ka whiwhi ngā toa WordPress i tētahi pūrongo tātaritanga, pūrongo whakaatikanga ia marama.
Ko te mea pai katoa, he tuputupu ā mātau pūtaurima. Nā me ka kite tāua kua tino tupu te torona ō tāu pae tukutuku, ka taea te whakanuku i a koe ki te kete Pūtaurima Tiketike. Māmā.
Mō ngā taipitopito katoa o tā mātau kete pūtaurima Ahupūtea Matihiko, tēnā waea mai ki a mātau ki 07 282 7187, pātuhi mai rānei ki tā mātau pukaiti whakapānga.
Pūmau VPS motuhake, IP motuhake
Tiwhikete SSL
Rokirokinga Nui Whakaharahara
Toronga Nui Whakaharahara
1 te pūkete īmēra kore-utu
Haumarutanga pae tukutuku pāhekoheko
Ia rā, ia wiki tāruatia ai
Rokirokinga tārua tūhāhā
Pūrongo tātaritanga, pūrongo whakaatikanga mō WordPress
Ratonga whakahou ā-whakahaere
Frequently Asked Questions
He tango utu, he pupuri taipitopito kiritaki ngā toa ipurangi, nō reira me kaha ake te haumarutanga, ā, i te nuinga o te wā me nui ake ngā rawa pūmau hei kawe i te nui ake o te torona. Ka noho tāu toa ki tōna ake pūmau VPS motuhake i te Pūtaurima Ahupūtea Matihiko, kua whakaarotautia mō te ahupūtea matihiko, me tōna ake wāhitau IP, tētahi tiwhikete SSL kua hainatia me te haumarutanga pae tukutuku kua rarangatia. He $95 +gst ia marama.
Mō ngā toa WordPress, ia marama ia marama ka īmēratia ki a koe tētahi pūrongo tātaritanga, whakaatikanga hoki, e kōrero ana mō te āhua o te mahi a tāu toa me ngā mahi whakaatikanga kua oti. Ka whiwhi ngā pae tukutuku WordPress i tēnei pūrongo i ia mahere pūtaurima a Responsive.
Ka tāruatia tāu pātengi raraunga ia rā, ā, tāu toa katoa ia wiki, ā, ka rokirokitia ērā e rua ki ngā ratonga rokiroki tūhāhā.
Kei roto i ia mahere pūtaurima tētahi pouaka īmēra POP, IMAP rānei me te īmēra ā-ipurangi. He $2.50 +gst ia marama mō ia pouaka īmēra 3GB tāpiri.
Whakapā mai me ka hiahia kia whakaterehia ā-matihikotia tāu pakihi!
Pae tukutuku, SEO & SEM, hoahoa atahiko, taupānga kawekawe, pūtaurima pae tukutuku – kōrero mai..