Pānui Matihiko.

Arotaunga Pūkaha Rapu

Ko te SEO te mahi kia piki te kounga, te nui hoki o te haeretia o tāu pae tukutuku mā ngā putanga rapunga māori noa. Nā, he aha pū te tikanga o tērā?

Ko ngā putanga rapunga māori he raupapatanga i runga i te whārangi putanga pūkaha rapu (SERP) ehara nei i te pānui i whakautua. Mēnā koe kāore i te rārangi mai ki te whārangi 1, 2 rānei, kāore koe e kitea. Ko te wāhi pai katoa e hiahia ana koe kia puta tāu pae tukutuku ko te runga o te whārangi 1…

Ko te kounga o te haeretia ko te toronga o tāu pae tukutuku e te hunga e tika ana. E hiahia ana kia eke koe mō āu hua me āu ratonga. Kāore he take mō te haeretia nuitia o tāu pae tukutuku ki te kimi wīra me he pihikete kē tāu e hoko atu nei.

Ko te nui o te haeretia ko te whakawhānui i ngā kiritaki e pāwhiri ana ki tāu pae tukutuku, kaua ki tā tāu hoa whakataetae. Māmā noa iho.

Hei konei uru ai te SEO…

Waiho mā mātau ngā mahi taumaha, arā te whakawhāiti i āu kōrero, me te whakarite i tāu tuhinga kia rite ai koe ki te hoatu i ngā kōrero katoa e tika ana hei hiki i āu putanga SERP ki te runga o te whārangi 1, ka pātōtō ana aua rōpati pūkaha rapu i te kuaha o tāu pae tukutuku.

Pānui Pūkaha Rapu

Ko te SEM te huarahi tere noa atu, whaihua noa atu hei kohi pārongo kaitoro mō tāu pakihi. Ko te mate ko te tūpoupou o te pikinga o te taumata ako i te Google Ads, ā, ki te kore e āta mahia, ka nui te utu, ka iti ngā hua o te mea nei, te pānui whakatairanga.

Ko te mahi pai katoa kia nui ai ngā hua o ngā pānui whakatairanga a Google ko te tuku mā te tohunga rapunga te mea katoa e whakahaere māu.

Mā mātau e tiaki ngā mea katoa mai i te whakarite pūkete, te kōwhiri kupuhuna me te tatau i te pānga o āu pānui, tae atu ki te whakahaere, te tātairanga me te pūrongotanga o te pūkete. Kia whiwhi koe ki ngā hua, kaua ki ngā raruraru.