Pūtaurima Ngaio.
He pūtaurima VPS motuhake e manaakitia ana e ngā mātanga. He wāhitau IP motuhake, he haumarutanga horopū, ia wiki ia wiki tāruatia ai. E 99.9% o te wā e mahi tika ana.
Ko te pūtaurima haumaru, pūtaurima tere tētahi o ngā āhuatanga nunui kia koa ai, kia ora ai te pae tukutuku. Ka whakahaeretia, ka whakatikaina ā mātau pūmau e ngā mātanga, ā, ka manaakitia kia pai rawa atu ai. Me ka raruraru, ka tere whakatikaina.
Ia wiki, ia wiki tāruatia ai ngā pūmau katoa, ā, e whā wiki mātau e pupuri ana i tētahi kape. Nā reira mehemea ka hiahiatia, ka kaha mātau ki te hanga wawe anō i te pūmau katoa.
He pūmau VPS motuhake, he wāhitau IP motuhake hoki ā tēnā me tēnā o ngā kete Pūtaurima Tiketike. Mā konei e pai noa atu ai te mahi, he kore nō te pūmau e pēhia e te taumahatanga, ā, ka whāiti iho hoki te tūraru ka horo, he kore nō ētahi atu pae tukutuku e whakamahi, e tūkino rānei i āu raumei pūmau, tāu wāhitau IP rānei. E maru rawa ai te whitinga raraunga, ka whakamahi mātau i te tiwhikete SSL kua oti te haina.
Kete Pūtaurima Pae Tukutuku Tiketike
Kei te kete Pūtaurima Tiketike ko tētahi pouaka īmēra POP, tētahi IMAP rānei me te īmēra ā-ipurangi, ā, e $2.50 te utu mō tēnā me tēnā pouaka īmēra o tua atu. I tua noa i ngā tāruatanga taumata pūmau o ia wiki, ia wiki ia wiki tāruatia ai ngā pae tukutuku, ā, ia rā ia rā tāruatia ai te pātengi raraunga. E rua e rua ka rokirokitia ki tētahi ratonga rokiroki tūhāhā, kia tau rawa ai te mauri.
Ko te mea pai katoa, he tuputupu ā mātau pūtaurima. Nā me ka kite tāua kua tino tupu te torona ō tāu pae tukutuku, ka taea te whakanuku i a koe ki te kete Pūtaurima Tiketike. Māmā.
Mō ngā taipitopito katoa o tā mātau kete Pūtaurima Tiketike, tēnā waea mai ki a mātau ki 07 282 7187, pātuhi mai rānei ki tā mātau pukaiti whakapānga.
Pūmau VPS motuhake, IP motuhake
Tiwhikete SSL
Rokirokinga Nui Whakaharahara
Toronga Nui Whakaharahara
Īmēra ā-ipurangi
1 te pūkete īmēra kore-utu
Ia rā tāruatia ai te pātengi raraunga
Ia wiki tāruatia ai te pae tukutuku katoa
Rokirokinga tārua tūhāhā
Haumarutanga pae tukutuku
Tautoko ia rā o te wiki
Whakapā mai me ka hiahia kia whakaterehia ā-matihikotia tāu pakihi!
Pae tukutuku, SEO & SEM, hoahoa atahiko, taupānga kawekawe, pūtaurima pae tukutuku – kōrero mai..